نارروال (این این آئی) مسلم لیگ(ن) کے مرکزی رہنما وسابق وفاقی وزیرداخلہ احسن اقبال نے کہا ہے کہ مہنگائی کا سونامی عوام کو خودکشیوں پر مجبور کر دے گاعمران خان غربت ختم کرنے کی بجائے غریب کو ختم کر رہا ہے قوم اس کے خلاف احتجاج کرے گی۔
ان خیالات کا اظہار انہوں نے فلاحی تنظیم کے زیر اہتمام رمضان فوڈ پیکیج تقسیم کرنے کی تقریب سے خطاب کرتے ہوئے کیا۔ انہوں نے کہا کہ مریم نواز کے خلاف کوئی سزا نہیں ہے احتساب عدالت کی سزا اسلام آباد ہائیکورٹ فیصلے سے معطل ہو چکی ہے وہ اب پارٹی کا عہدیدار بننے کی صلاحیت رکھتی ہیں،فردوس عاشق اعوان کے بیان کو سنجیدہ نہیں لینا چاہئے ابھی ہمارے ذہن میں یاد تازہ جب وہ زرداری کا دفاع کرتی تھیں اب وہ عمران خان کا دفاع کر رہی ہیں انہیں جو کہا جاتا ہے وہ بول دیتی ہیں۔ احسن اقبال نے کہا کہ 108روپے پٹرول کی قیمت سے مہنگائی کا سونامی عوام کو خودکشیوں پر مجبور کر دے گا، عمران خان محل میں بیٹھا ہوا ہے اپنے ارد گرد اے ٹی ایم مشینیں رکھی ہوئی ہیں جو اس کا خرچہ چلاتی ہیں،عمران خان غربت ختم کرنے کی بجائے غریب کو ختم کر رہا ہے قوم اس کے خلاف احتجاج کرے گی،عمران خان الیکشن میں پیسے لگانے والوں کو فائدہ دے رہا ہے اگلے الیکشن عمران خان کو عوام ہی ان کی ضمانتیں ضبط کروائے گی۔ مسلم لیگ(ن) کے مرکزی رہنما وسابق وفاقی وزیرداخلہ احسن اقبال نے کہا ہے کہ مہنگائی کا سونامی عوام کو خودکشیوں پر مجبور کر دے گاعمران خان غربت ختم کرنے کی بجائے غریب کو ختم کر رہا ہے قوم اس کے خلاف احتجاج کرے گی۔ ان خیالات کا اظہار انہوں نے فلاحی تنظیم کے زیر اہتمام رمضان فوڈ پیکیج تقسیم کرنے کی تقریب سے خطاب کرتے ہوئے کیا۔