لاہور(سی پی پی )وزیراعظم عمران خان کا کہنا ہے کہ کرپشن اور ترقی کا سفر ایک ساتھ نہیں چل سکتا۔ بدعنوان عناصر کے خلاف بلاتفریق کارروائی کو مشن سمجھ کر پورا کیا جائے، حکومت ہر ممکنہ تعاون فراہم کرے گی۔نجی ٹی وی کے مطابق کرپشن کا خاتمہ حکومت کی اولین ترجیح، کرپشن اور ترقی کا سفر ایک ساتھ نہیں چل سکتا۔
وزیر اعظم عمران خان نے کرپٹ بیوروکریٹس کیخلاف 800 کیسز کی تحقیقات کی منظوری دیدی۔ کرپٹ بیوروکریٹس کیخلاف تحقیقات کی منظوری دیتے ہوئے وزیراعظم کا کہنا تھا کہ کرپشن نے ملکی معیشت اور اداروں کو تباہ کیا۔ بدعنوان عناصر کے خلاف بلاتفریق کارروائی کو ایک مشن سمجھ کر پورا کیا جائے، حکومت ہر ممکنہ تعاون فراہم کرے گی۔
