ُاسلام آباد(آن لائن ) مسلم لیگ ن کی ناراض رہنماماروی میمن نے تحریک انصاف حکومت کی جانب سے طارق باجوہ کو گورنر سٹیٹ بینک کے عہدے سے ہٹانے کے فیصلے پر تحریک انصاف کی تعریف کرتے ہوئے کہا کہ طارق باجوہ کی برطرفی بارش کا پہلا قطرہ ہے اور انہیں 8ماہ پہلے ہی ہٹا دیا جانا چاہیے تھا۔
سما جی رابطے کی ویب سائٹ ٹوئٹر پر اپنے ایک پیغام میں انہو ں نے کہا کہ تمام وزارتوں میں ایسے اقدامات کیے جانے چائیں اور اگر ایسے اقدامات ہوتے رہے تو اچھی حکومت کا آغاز ہو سکتا ہے۔ انہوں نے مز ید کہا کہ 8ماہ تک طارق باجوہ کو نہ ہٹانا حکوت کی غفلت کا نتیجہ ہے ۔ مسلم لیگ (ن ) اور زراداری نے باری لگائی ہو ئی تھی اور انہو ں نے بیو رو کریسی میں اپنے بندے بٹھا ئے ہو ئے ہیں تاکہ حکو مت کو نا کام کر سکیں ۔ عمران خان کو چاہیے کہ وہ اور وزارتوں میں بھی لو گوں کو تلاش کر یں ۔ قبل ازیں انہوں نے طارق باجوہ کو ہٹائے جانے کے فیصلے پر تبصرہ کرتے ہوئے کہا تھا کہ یہ بہت اچھا کیا گیا ہے، اب شاید معلومات لندن جانا بند ہو جائیں۔ ان کا اشارہ طارق باجوہ کے سابق وزیرخارجہ اسحاق ڈار کے ساتھ تعلق سے تھا ان کے مطابق گزشتہ عرصے میں اسحاق ڈار نے پاکستانی معیشت کے حوالے سے جتنی بھی کامیاب پیشن گوئیاں کیں وہ طارق باجوہ کی جانب سے فراہم کردہ معلومات کی بنیاد پر ہی کی تھیں۔
