اسلام آباد(آن لائن) صدر اسلامی ترقیاتی بینک ڈاکٹر بندر حجار نے کہاہے کہ پاکستان تیسرا بڑا ملک ہے جس کو اسلامی ترقیاتی بینک فنڈ فراہم کرتا ہے تاہم اب تک پاکستان کو12ارب ڈالر سے زیادہ کی فنڈنگ کی گئی ہے۔اسلامی ترقیاتی بینک کے زیراہتمام ٹرانفارمرز روڈ شو کی تقریب سے خطاب کرتے ہوئے ڈاکٹر بندر حجار نے کہاکہ ٹرانسفارمرز روڈ شو پانچواں شو ہے جو پاکستان میں منعقد کیا جارہا ہے، سائنس ٹیکنالوجی اور

انوویشن کیلئے50 کروڑ ڈالرکافنڈ قائم کیا گیا ہے، اسلامی دنیا میں پائیدار معاشی ترقی کیلئے بینک منصوبوں کو فنڈنگ فراہم کر رہا ہے جبکہ نیلم جہلم منصوبےکیلئے 370 ملین ڈالر کا فنڈ فراہم کیاہے۔انہوں نے کہا کہ کاسا1000اور پاور پراجیکٹ، صحت، سائنس وٹیکنالوجی کی ترقی کیلئے پاکستان کو ترجیحی فنڈنگ فراہم کر رہے ہیں۔ وزیراعظم عمران خان کے اقتصادی بحالی پروگرام کوبھی سپورٹ فراہم کریں گے۔