لاہور (آن لائن) اپوزیشن لیڈر پنجاب اسمبلی حمزہ شہباز شریف کی اہلیہ ہونے کی دعویدار عائشہ احد کے وکیل عاصم مجید نے کہا ہے کہ عائشہ احد حمزہ شہباز شریف کی ہی اہلیہ ہیں۔ گزشتہ روز نیب آفس کے باہر میڈیاسے گفتگو کرتے ہوئے انہوں نے کہا کہ نیب نے عائشہ احد کو ایک پراپرٹی کے
حوالے سے طلب کیا ہے۔ عائشہ احد کسی کیس میں ملزمہ نہیں ہیں۔ انہوں نے کہا کہ انہوں نے نیب حکام سے سوالنامہ مانگ لیا ہے۔ جس کا جواب وہ دائر کر دیں گے۔ واضح رہے کہ نیب نے عائشہ احد کو ایک پراپرٹی کے ریکارڈ سمیت جمعہ کے روز طلب کر رکھا تھا لیکن وہ نیب آفس پیش نہیں ہوئیں۔
