اسلام آباد (مانیٹرنگ ڈیسک)مسلم لیگ ن میں فاروڈ بلاک بن گیا ۔ تفصیلات کے مطابق قومی نجی اخبار نے اپنی ایک رپورٹ میں لکھا کہ پنجاب اسمبلی میں 166ارکان میں سے صرف 80ارکان نے حلف دیا ہے جبکہ قومی اسمبلی میں 84ارکان نے فی الحال 25ارکان نے حامی بھر لی ہے ۔ جبکہ مزید ارکان اسمبلی نے اتوار کو ظہرنے میں آنے کا عہد لیا ہے ۔
باوثوق ذرائع نے بتایا کہ پاکستان مسلم لیگ ن میں فاروڈ بلاک بن چکا ہے جس کی قیادت قومی و صوبائی اسمبلی کی انتہائی معتبر 5 شخصیات کر رہی ہیں ۔ پنجاب اسمبلی کے 89رہنما ایک قومی اسمبلی کے ممبر سے دو دفعہ گھر پر مل چکے ہیں جبکہ قومی اسمبلی میں 25ایم این ایز نے مسلم لیگ ن کو الوداع کہنے کا فیصلہ کر لیا ہے اور وہ بہت جلد اس کا اعلان کریں گے ۔اگر قومی اسمبلی میں ن لیگ کی کل تعداد 84 ہے جبکہ فارورڈ بلاک کے لیے 48 ممبران کی ضرورت درپیش ہے اس وقت 25 ایم این اے تو آگئے ہیں جبکہ مزید 18ارکان کی ضرور ت ہے ۔ اگر مطلوبہ تعداد پنجاب اور قومی اسمبلی سے آجاتی ہے تو فاروڈ بلاک کو کسی آئینی چھتری کی ضرورت نہیں پڑے گی بلکہ ان میں لیڈر بھی جماعت کا سربراہ بن سکے گا ۔ دوسری جانب سینئر تجزیہ نگار شاہد مسعود نے نجی ٹی وی کے پروگرام میں گفتگو کرتے ہوئے کہا ہے کہ مسلم لیگ ن میں دو گروپ تھے ، ایک شہباز شریف گروپ جبکہ دوسرا مریم نواز گروپ ۔ان کا کہنا تھا کہ شہباز شریف گروپ لوگ نواز شریف کے گروپ سے پوچھتے پھر رہے ہیں کہ آخر پارٹی میں چل کیا رہا ہے ۔پارٹی میں موجود دونوں گروپ ختم ہو گئے ہیں ۔ آج میاں نواز شریف اور شہباز شریف اپنی پارٹی کے رہنمائوں کو بھی کوئی بات شیئر نہیں کر رہے کہ کیا ہوا ؟یہاں پارٹی کے سینئر رہنمائوں ، رانا تنویر ، خواجہ آصف ، خواجہ سعد رفیق ، راجہ ظفر الحق تک سے باتیں پوشیدہ رکھی جارہی ہیں۔ شاہد مسعود نے دعویٰ کیا ہے کہ ایم کیو ایم کے بعد اب مسلم لیگ ن لند ن بھی بننےجارہی ہے ۔جیسے آج پاکستان میں ایم کیو ایم لندن کی جگہ ایم کیو ایم پاکستان ہے ویسے ہی مسلم لیگ ن لندن بن جائے گی ۔ ان کا کہنا تھا کہ میں نے ایک رہنما سے پوچھا کہ معاملہ چل کیا رہا ہے تو اس کا کہنا تھا کہ ہمیں نہ تو نواز شریف کوئی بات بتا رہے ہیں اور نہ شہباز شریف کوئی بات بتاتے ہیں ۔ سینئر صحافی شاہد مسعود کا کہنا تھا کہ میاں نواز شریف کے جو باورچی ہیں تمام لیگی رہنمائوں کی نظریں اس پر لگی ہوئی ہیں ۔ مجھے لیگی رہنما نے بتایا کہ میاں نواز شریف جہاں بھی جائیں گے اپنے باورچیوں کو ساتھ لے کا
