اسلام آباد (این این آئی) گور نر پنجاب چوہدری سرور نے کہا ہے کہ وزیراعظم سے اختلاف کی خبریں بے بنیاد ہیں ۔ جمعرات کو میڈیا سے گفتگو کرتے ہوئے گور نر پنجاب نے کہاکہ یہ خبریں بے بنیاد ہیں کہ میرے اور وزیر اعظم کے درمیان کوئی اختلاف ہے۔گورنر پنجاب نے کہاکہ میری وزیر اعظم عمران خان سے ملاقات ہوئی ہے، میرے اور وزیراعظم عمران خان کے درمیان کوئی معاملہ نہیں چل رہا۔

انہوں نے کہاکہ وزیراعظم سے ملاقات کے دوران میرے دورہ امریکہ کے حوالہ سے تفصیلی بات چیت ہوئی۔انہوں نے کہاکہ وزیراعظم سے پنجاب آب پاک اتھارٹی کے حوالہ سے گفتگو ہوئی۔گور نر پنجاب نے کہاکہ عمران خان کا وژن ہے کہ پنجاب کے لوگوں کو پانی کا صاف پانی مہیا ہو۔صحافی نے سوال کیا کہ آپ وزیر اعلیٰ کی اراکین قومی اسمبلی کے ساتھ ملاقات میں کیوں شریک نہیں ہوئے۔گورنر پنجاب نے کہاکہ میری کچھ اور مصروفیات ہیں۔