اسلام آباد (این این آئی)وزیراعظم عمران خان نے افغانستان سے آئے ہوئے دہشتگردگروہ کے حملے کی شدید مذمت کرتے ہوئے کہاہے کہ دہشت گردی کے ناسور کو جڑ سے اکھاڑنے کی کوششوں کے دوران جگر آزمانے اور قربانیاں دینے والے جوانوں کو ہمارا سلام ہے ۔جمعرات کو اپنے ٹوئٹ میں انہوںنے کہاکہ میری
تمام تر دعائیں اور ہمدردیاں شمالی وزیرستان کے علاقے الواڑہ میں قابل مذمت دہشت گرد حملہ پسپا کرتے ہوئے جام شہادت نوش کرنے والے تین جوانوں کے اہل خانہ کیساتھ ہیں۔ انہوں نے کہاکہ دہشت گردی کے ناسور کو جڑ سے اکھاڑنے کی کوششوں کے دوران جگر آزمانے اور قربانیاں دینے والے جوانوں کو ہمارا سلام۔
