لندن(آن لائن)قومی اسمبلی میں اپوزیشن لیڈر اور مسلم لیگ ن کے صدر شہباز شریف کا 14مئی کے بعد وطن واپسی کا اعلان، آخری ٹیسٹ8مئی کو ہوں گے، دیار غیر میں مطمئن نہیں عوام سے رشتہ کوئی نہیں توڑ سکتا، انشاء اللہ جلد اپنے ملک میں عوام کے ساتھ ہوں گا ملکی حالات پر تشویش ہے، اللہ تعالیٰ عوام کی حفاظت فرمائے۔ بدھ کے روز اپنے بیان میں شہباز شریف نے کہا ہے کہ میرے آخری ٹیسٹ

8مئی کو ہوں گے، اللہ تعالیٰ کی ذات سے اچھی توقعات ہیں، دیارغیر میں کس طرح مطمئن رہ سکتا ہوں، ہمارا عوام کے ساتھ رشتہ کوئی نہیں توڑ سکتا، انشاء اللہ جلد اپنے ملک میں عوام کے ساتھ ہوں گا، ملکی حالات پر تشویش ہے اللہ تعالیٰ عوام کی حفاظت فرمائے، انہوں نے کہا کہ موجودہ حکومت کی کارکردگی پر عوام ہمیں یاد کرتی ہے، وطن واپس آکر مشکلات میں گھری عوام سے اظہار یکجہتی کروں گا۔