اسلام آباد (این این آئی)ایف بی آر ٹیکسوں کا مقررہ ہدف حاصل کرنے میں ناکام،10 ماہ میں ایف بی آر کا ٹیکس شارٹ فال 380 ارب روپے سے تجاوز کرگیا۔ذرائع کے مطابق جولائی تا اپریل 3000 ارب روپے کا ٹیکس اکٹھا کیا گیا۔ذرائع نے بتایا کہ دس ماہ کا مقررہ ہدف 3380 ارب روپے تھا۔ذرائع کے مطابق اپریل میں اب تک 300 ارب روپے کا ٹیکس اکٹھا کیا گیا۔ذرائع نے بتایا کہ ایف بی آر کو اگلے دو ماہ میں مزید 1400 ارب روپے کا ٹیکس اکٹھا کرنا ہے۔ذرائع نے بتایاکہ ایف بی آر کو 30 جون تک 4398 ارب روپے کا ٹیکس اکٹھا کرنا ہے۔