سیالکوٹ(سی پی پی) وزیراعظم کی معاون خصوصی برائے اطلاعات فردوس عاشق اعوان نے سونے کا تاج پہننے سے یہ کہہ کر انکار کردیا ہے کہ یہ تاج شوکت خانم کو عطیہ کیا جائے گا۔فردوس عاشق نے گزشتہ روز سیالکوٹ میں ایک تقریب کے دوران کہا کہ یہ تاج وزیراعظم عمران خان کے حوالے کیا جائے گا
جب وہ رمضان میں شوکت خانم کے لیے فنڈریزنگ کے سلسلے میں سیالکوٹ آئیں گے۔اس موقع پر میڈیا سے گفتگو کرتے ہوئے معاون خصوصی کا کہنا تھا کہ وزیراعظم عمران خان ملک میں قانون کی حکمرانی چاہتے ہیں، پہلے دن سے ان کی جدوجہد اسی کے لیے تھی اور آج بھی ان کی کوششیں جاری ہیں۔
