راولپنڈی(آن لائن)شارجہ سے تین سالہ بیٹی کی تلاش میں پاکستان آنے والا نیپالی شہری مبینہ طور پر لاپتہ ہوگیا،نیپالی شہری کی شناخت عبدالرحمن کے نام سے ہوئی ہے۔اطلاعات کے مطابق عبدالرحمن پانچ ماہ قبل راولپنڈی اپنی تین سالہ بیٹی طیبہ کی تلاش میں آیا جو کہ اس کی بیوی تبسم حمید جھگڑے  کے بعد پاکستان لے آئی تھی۔تبسم چکری روڈ قائد اعظم کالونی کی رہائشی بتائی جاتی ہے۔

ذرائع کے مطابق عبدالرحمن کا تعلق نیپالی شاہی خاندان سے تھا اور اس   نے ہندو مذہب چھوڑ کر اسلام قبول کیا تھا۔جنوری 2019 میں عبدالرحمن پر تھانہ نصیر آباد کے علاوہ میں قاتلانہ حملہ ہوا تھا۔واضع رہے تبسم بی بی پاکستان میں غیر قانونی طور پر پناہ گزین ہے جبکہ اس نے عبدالرحمن سے شادی بعد نیپالی پاسپورٹ بنوایا تھا۔ذرائع کے مطابق پولیس مصروف تفتیش ہے۔