اسلام آباد (این این آئی) اسلام آباد کی احتساب عدالت نے نندی پور پاور پروجیکٹ ریفرنس میں بابر اعوان کی بریت کی درخواست پر فیصلہ محفوظ کرلیا جو 30اپریل کو سنایا جائیگا ۔جمعہ کو احتساب عدالت کے جج ارشد ملک نے سماعت کی۔ نیب پراسیکیوٹر نے کہاکہ مزید دلائل نہیں دینا چاہتا گذشتہ سماعت پر جو دلائل
دئے وہ کافی ہیں۔دور ان سماعت جسٹس(ر)ریاض کیانی کی جانب سے بھی بریت کی درخواست دائر کی گئی ۔ عدالت نے شمائلہ محمود اور اور جسٹس ر ریاض کیانی کی درخواستوں پر دلائل 6 مئی کو طلب کرتے ہوئے مزید سماعت ملتوی کر دی ،6 مئی کو مزید گواہان کے بیانات بھی قلمبند کئے جائیں گئے۔
