نیویارک (این این آئی)ہولی وڈ اداکارہ شارلیز تھیرن نے 2012 میں ایک بچے کو گود لیا تھا جسکی عمر اب 7 سال ہے، اور اس کی پرورش اب وہ ایک لڑکی کی طرح کررہی ہیں۔کئی عرصے سے شارلیز تھیرن کی اپنے بچوں کیساتھ تصاویر سوشل میڈیا پر وائرل ہورہی تھیں، جن میں اداکارہ نے اپنے دونوں بچوں کو لڑکیوں کا لباس پہنایا ہوا تھا۔تصاویر اور ویڈیوز سامنے آنے کے بعد اداکارہ سے اس متعلق کئی سوالات کئے گئے کہ انہوں نے اپنے بیٹے کو لڑکی کی طرح کیوں تیار کیا ہوا ہے، جسکے بعد اب شارلیز تھیرن نے

خود ایک انٹرویو میں اپنے بچے کی حقیقت دنیا کے سامنے بتادی۔رپورٹ کے مطابق اداکارہ نے ایک انٹرویو میں انکشاف کیا کہ گود لیتے وقت وہ سمجھی تھی کہ جیکسن ایک لڑکا ہے، تاہم گزرتے سالوں کیساتھ انہیں اندازہ ہوا کہ لڑکا نہیں مخنث ہے، ا سلئے اب وہ اپنے بچے کی تربیت لڑکیوں کی طرح کررہی ہیں۔شارلیز تھیرن کا کہنا تھا کہ ’میں ہمیشہ سے جیکسن کو لڑکا سمجھتی رہی، لیکن مجھے اسکے مخنث ہونے کا اندازہ ا سوقت ہوا جب تین سال کی عمر میں اس نے میری طرف دیکھ کر کہا کہ میں لڑکا نہیں ہوں۔