لاہور ( این این آئی) شریف فیملی کا مبینہ فرنٹ مین محمد مشتاق بھی نیب کی حراست میں بیمار پڑ گیا،محمد مشتاق عرف مشتاق چینی نے احتساب عدالت میں علاج معالجے اور گھر سے کھانا لانے کے لئے درخواست دائر کر دی جس میں کہا گیا ہے کہ ہارٹ اٹیک، شوگر، گردوں میں پتھری، بلڈ پریشر سمیت کئی بیماریوں میں مبتلا ہوں، 12جون 2018ء کو دل کا آپریشن ہوا اور اسٹنٹ
ڈالے گئے، دل کا مریض ہونے کے باعث ڈاکٹرز نے گردے کی پتھریاں بھی نہیں نکالیں۔ استدعاہے کہ ڈاکٹرز نے کھانے کا پرہیز بتا رکھا ہے، عدالت گھر سے کھانا لانے کی اجازت دے، متعدد بیماریوں کے پیش نظر عدالت ڈاکٹرز سے روزانہ کی بنیادوں پر چیک اپ کا حکم دے۔احتساب عدالت نے نیب کو قانون کے مطابق اقدامات کرنے کا حکم دیتے ہوئے درخواست نمٹا دی۔
