لاہور(این ماین آئی) سینئر نائب صدر فیروز پور بور ڈلاہورو پاکستان سٹون ڈویلپمنٹ کمپنی کے بور ڈ آف ڈائریکٹرز کے رکن خادم حسین نے پاکستان اور آئی ایم ایف کے مابین مزید قرضوں کے حصول کیلئے آئی ایم ایف کے مطالبہ کہ ملکی معیشت کے حجم سے مطابقت پیدا کرنے کیلئے ایف بی آر
ٹیکس ہدف کو آئندہ مالی سال کے دوران13فیصد تک بڑھائے پر تشویش کا اظہار کرتے ہوئے کہا ہے کہ آئی ایم ایف کی طرف سے ٹیکس ہدف 13فیصد بڑھانے کا مطلب 1.45ٹریلین روپے اضافی ریونیو حاصل کرنا ہوگا یعنی عوام پر ٹیکسوں کا بوجھ مزید1.45ٹریلین بڑھانا ہوگا جس کیلئے 36فیصد شرح نمو درکار ہوگی اور اسے حاصل کرنا ناممکن ہے۔ان خیالات کااظہار انہوں نے فیروز پور بورڈ کے تاجروں کے وفد سے گفتگو کرتے ہوئے کیا۔خادم حسین نے کہا کہ بجلی گیس کی قیمتوں میں اضافہ سے صنعتی شعبہ پہلے ہی مشکلات کا شکار ہے آئی ایم ایف کے مطالبات کوتسلیم کرنے کیلئے 1.45ٹریلین کے مزید ٹیکسوں سے صنعتی شعبہ تباہی کے دہانے پر پہنچ جائے گا ملکی معیشت تباہ ہوجائے گی ملک میں مہنگائی میں ہوشربااضافہ ہوگا اس لیے حکومت قرضوں کے عوض آئی ایم ایف کے مطالبات پر ٹیکسوں کا بوجھ ڈال کر عوام کو قربانی کا بکرا نہ بنائے ،آئی ایم ایف کو خیر باد کہہ کر ملکی معیشت کے استحکام کیلئے اقدامات کیے جائیں او ر اپنے پاؤں پر کھڑا ہونے کیلئے خودانحصاری کی پالیسی اپنائی جائے۔
