سرگودھا(این این آئی )شاہنوں کے شہر سرگودھا میں تین فٹ کے دو بھائیوں کو اپنے اپنے جیون ساتھی مل گئے جن کی شادی کی تقریب پورے جوش وخروش اور د ھوم دھام سے ہوئی نئے جوڑوں کے ساتھ شرکاء کی سیلفیاں بنوائی جاتی رہیں۔زرائع کے مطابق باو محلہ کچی آبادی کے عدنا ن اسلم کی شادی قریبی آبادی استقلال آباد کی سروری بی بی سے ہوئی جبکہ شہزادی بی بی کا تعلق بھی استقلال آبادسے ہے، جس کی شادی عدنان کے بھائی ذیشان اسلم سے ہوئی۔دولہنوں کے قد بھی تین فٹ ہیں، شادی کی اس تقریب میں
عزیز و اقارب اور دوستو ں کی بڑی تعداد شریک ہوئی،جبکہ مہمانوں نے شادی کی رسموں کو بھرپور طریقے سے انجوائے کیا، بلکہ دونوں دولہوں نے دوستوں کے ہمراہ ڈھول کی تھاپ پر رقص کیا۔دونوں بھائیوں عدنان اسلم اور ذیشان اسلم نے بات چیت کرتے ہوئے کہا کہ شادی کے انتظامات اگرچہ بہت مشکل کام ثابت ہوا، مگر ہم خوش ہیں کہ اللہ تعالیٰ کے شکر گزار ہیں کہ ہمیں جیون ساتھی مل گئے ہم عزیزو اقارب اور دوستوں کا تہہ دل سے شکرگزار ہیں جنہوں نے شاد ی میں شرکت کر کے ہماری خوشی دوبالا کی۔
