لاہور(این این آئی) اسٹیج کی نامور اداکارہ ستارہ بیگ کی الحمرا ہال میں شاندار انٹری،اپنی پرفارمنس سے دھوم مچا دی ۔ستارہ بیگ آج کل شائقین کے پر زور اصرار پر الحمرا ہال میں اسٹیج ڈرامہ ’’حسینہ دل والی‘‘میں اپنے حسن کا جادو جگا رہی ہیں۔دیگر کاسٹ میں قیصر پیا،سلیم البیلا،گلفام،طاہر انجم،حسنہ بھٹی اورہما علی شامل ہیں۔

ڈرامے میں ستارہ بیگ کی پرفارمنس کو بیحد سراہا جا رہا ہے ۔اس حوالے سے اداکارہ کا کہنا ہے کہ یہ سب خدا کا فضل اور شائقین کی بدولت ممکن ہے،میری ہمیشہ کوشش رہی ہے کہ اپنے شائقین کو مایوس نہ کروں۔ستارہ بیگ نے کہا کہ میرا کسی سے مقابلہ نہیں اور تمام توجہ اپنے کام کی طرف رکھتی ہوں جس کی وجہ سے آج وہ اس مقام پر ہوں ۔