بینکاک (این این آئی)سماجی رابطوں کی ویب سائیٹ پر ایک فوٹیج پوسٹ کی گئی جس میں ایک سانپ کوخاتون کے بیڈ روم میں گھس کر اس کے پاؤں پر ڈنگ مارتے دیکھا جا سکتا ہے۔عرب ٹی وی کے مطابق یہ واقعہ تھائی لینڈ میں پیش آیا جہاں ایک سانپ نے گھر میں اپنے کمرے میں سوئی 75 سالہ خاتون کے پاؤں پر ڈنگ مار دیا۔یہ واقعہ گذشتہ بْدھ کی صبح پیش آیا۔سانپ ڈسنے کے بعد خاتون شدید تکلیف میں قریب
ہی اپنے بیٹے کے کمرے تک آئی۔ذرائع ابلاغ میں اس خاتون کی شناخت ‘سیدسوفا کے نام سے کی گئی ہے۔ اس کا کہنا تھا کہ میں نے پاؤں میں شدید تکلیف محسوس کی۔ اس وقت کمرے میں اندھا تھا۔ میں نے روشنی جلائی۔ میں نے دیکھا کہ فرش پر کوئی چیز حرکت کررہی ہے۔ غور سے دیکھنے پر پتا چلا کہ تو وہ سانپ تھا۔ اس کے بیٹے نے سانپ کا پیچھا کیا مگر وہ غسل خانے میں گھسنے کے بعد غائب ہوگیا۔
