روم (این این آئی)دنیا بھر میں آرٹ کے حوالے سے منفرد شہرت رکھنے والے ’وینس بینالے‘ شو میں پہلی بار پاکستانی آرٹسٹ شامل شرکت کریں گی ۔تفصیلات کے مطابق وینس بینالے کے آرٹ میلے کو دنیا بھر میں منفرد اہمیت حاصل ہے جس میں کئی ممالک کے آرٹسٹ اپنے فن پاروں کی نمائش کرتے ہیں۔وینس بینالے کی 58 سالہ تاریخ میں پہلی بار باضابطہ طور پر پاکستان کی نمائندگی بھی ہوگی ۔

غیر ملکی میڈیا کے مطابق کراچی اور لندن میں کام کرنیوالی پاکستانی آرٹسٹ نازیہ خان وینس بینالے میں پاکستان کی نمائندگی کریں گی۔شو میں نازیہ خان ’منوہڑا فیلڈ نوٹس‘ نامی اپنا منصوبہ نمائش کیلئے پیش کریں گی جس میں منوہڑا کیساتھ کراچی کی زندگی کو بھی اجاگر کیا گیا ہے ۔وینس بینالے کا 58 واں انٹرنیشنل آرٹ میلہ رواں برس 11 مئی سے شروع ہوگا جو 24 مئی تک جاری رہے گا۔

موضوعات:نازیہ خان