اسلام آباد (این این آئی) پاکستان مسلم لیگ (ن) کے رہنما سینیٹر مشاہد اللہ خان نے کہا ہے کہ ہم اتنے ظلم کئے جائیں جتنے کل بر داشت کئے جائیں۔ میڈیا سے گفتگو کرتے ہوئے سینیٹر مشاہد اللہ خان نے کہاکہ موجودہ حکومت نے نواز شریف پر ظلم و ستم کی انتہا کردی۔ سینیٹر مشاہد اللہ خان نے کہاکہ نواز شریف کو بیمار بیوی کی تیمارداری کی بھی اجازت نہ دی گئی۔مشاہداللہ خان نے کہا کہ ہم پر اتنے ظلم کیے جائیں جتنے کل برداشت کیے

جائیں۔مشاہداللہ خان نے کہاکہ موجودہ حکومت کی ناقص پالیسیوں سے ملک کا بیڑہ غرق ہو گیا۔صحافی نے سوال کیا کہ آغا سراج دورانی کو جس طرح گرفتار کیا گیا اس پر کیا کہنا چاہیں گے۔ مشاہد اللہ خان نے کہا کہ آغا سراج دورانی کو جس طرح گرفتار کیا گیا اس کی پرزور مذمت کرتے ہیں۔مشاہداللہ خان نے کہا کہ احتساب کے نام پر سیاسی انتقام کا نشانہ بنایا جا رہا ہے۔مشاہداللہ خان نے کہا کہ جس طرح احتساب کیا جا رہا ہے اس کے خلاف ہیں۔