اسلام آباد ( آن لا ئن ) سینیٹر رحمٰن ملک نے کہا ہے کہ ان کی جانب سے پلوامہ حملے کے حوالے سے سوالات اٹھائے جانے کے بعد انہیں ٹوئٹر پر بھارتی خفیہ ایجنسی ’’را‘‘ کی جانب سے قتل کی دھمکیوں مل رہی ہے ۔سینیٹر رحمٰن ملک کا کہنا تھا کہ بھارتی حکومت کا پلوامہ حملے کے لیے پاکستان کو مورد الزام ٹہرانا قابل مذمت ہے، بھارتی وزیراعظم نریندر مودی پلوامہ جیسے واقعات الیکشن میں اپنی کامیابی کے لیے کر رہے ہیں بھارتی وزیراعظم

پلوامہ جیسے واقعات کرکے الیکشن میں پاکستان مخالف کارڈ استعمال کرنا چاہتے ہیں۔انہو ں نے کہا کہ بھارت میں آر ایس ایس، را اور دہشت گرد تنظیموں کا پاکستان کے خلاف گٹھ جوڑ موجود ہے جبکہ پلوامہ حملے کے ساتھ ساتھ نریندر مودی آنے والے دنوں میں سرجیکل اسٹرایکس کا ڈرامہ بھی رچا سکتے ہیں۔انہوں نے کہا کہ پلوامہ واقعے کی 21 سوالات پر مبنی تفتیش کی جائے، جس کے بعد بھارتی حکومت نے مظلوم و نہتے کشمیریوں پر ظلم کے پہاڑ گرائے۔