انقرہ (این این آئی)معروف اداکارہ روحی بانو کی میت کو پاکستان منتقل کرنے کیلئے انقرہ میں پاکستانی سفارتخانے نے 2 سے 4 ماہ کا وقت مانگ لیا۔اداکارہ روحی بانو کی میت ترکی سے پاکستان منتقل کرنے کے معاملے پر ترجمان پاکستانی سفارتخانے نے کہا ہے کہ انقرہ میں پاکستانی سفارتخانہ روحی بانو کے اہل خانہ سے رابطے میں ہے،ترکی کے طبی ماہرین کے مطابق

روحی بانو کی میت کو پاکستان منتقل کرنے کیلئے دو سے چار ماہ درکار ہیں، ترک حکام کی جانب سے اجازت ملتے ہی میت پاکستان منتقل کر دی جائیگی جبکہ اس کے سارے اخراجات حکومت پاکستان اٹھا رہی ہے۔روحی بانو کی بہن روبینہ نے بتایا ہے کہ انقرہ میں پاکستانی سفارت خانے نے معلومات سے آگاہ کر دیا ہے، میت پاکستان منتقل ہونے تک ترکی میں ہی قیام کریں گی۔