لاہور( این این آئی)نامور گلوکار راحت فتح علی خان طویل غیر ملکی دورے کے دوران چھ بر اعظموں میں پرفارم کریں گے ، نائیجریا میں پرفارم کرنے والے پہلے پاکستانی گلوکار کا اعزاز بھی حاصل ہوگا ۔ ذرائع کے مطابق گلوکار راحت فتح علی خان رواں ماہ سے جون تک چھ
بر اعظموں میں اپنی پرفارمنس دیں گے۔ بتایا گیا ہے کہ راحت فتح علی خان آسٹریلیا، نیوزی لینڈ، جاپان، امریکہ، جنوبی افریقہ، ابو ظہبی اور نائیجریا سمیت دیگر ممالک میں اپنی آواز کا جادو جگائیں گے۔ یہ پہلا موقع ہوگا جب کوئی پاکستانی گلوکار نائیجریا میں اپنے فن کا مظاہرہ کرے گا۔
