بگوٹا(این این آئی) معروف کولمبین گلوکارہ اور واکا واکا گرل شکیرا 42 برس کی ہوگئیں۔ شکیرا 2فروری 1977 کو کولمبیا میں پیدا ہوئیں ان کی والدہ کولمبیا اور والد لبنان سے تعلق رکھتے ہیں۔شکیرا ازابیل نے اپنا پہلا گانا 8 سال کی عمر میں خود لکھا جبکہ 13 سال کی عمرمیں اپنا پہلا گانا ریکارڈ کروایا، اس دوران ان کے ہسپانوی اور انگریزی زبان میں گائے ہوئے گانوں نے عالمی شہرت حاصل کی مگر فیفاورلڈ کپ 2010کے گانے واکا واکا سے

وہ شہرت کی بلندیوں پر پہنچ گئیں۔انہیں ہالی ووڈ واک آف فیم میں بھی شامل کیا گیا، ان کے گائے دیگر گانوں میں ہپس ڈونٹ لائے اور بییوٹی فل لائر شامل ہیں جس نے انہیں مشہور ترین گلوکاراؤں کی صف میں لا کھڑا کیا۔2010میں شکیرا کو آئی ایل او کی جانب سے سماجی بہبود کے کاموں میں حصہ لینے پر سوشل جسٹس ایوارڈ بھی دیا گیا جبکہ اس کے علاوہ انہیں گریمی اورایم ٹی وی میوزک سمیت متعدد ایوارڈز سے بھی نوازا جاچکا ہے۔