لاہور ( این این آئی) سانحہ ساہیوال کے مدعی جلیل نے ملزمان کی شناخت پریڈ سے انکارکردیا۔تفصیلات کے مطابق جوائنٹ انویسٹی گیشن ٹیم نے سانحہ ساہیوال میں جاں بحق ہونے والے خیل کے بھائی جلیل، بھتیجے عمیراورایف آئی آر کے گواہان کوگزشتہ روز ساہیوال میں شاخت پریڈ کے لئے بلایا تھا۔مگر مدعی جلیل نے ساہیوال آکر سی ٹی ڈی کے گرفتار اہلکاروں کی شناخت پریڈ کرنے سے انکار کردیا۔ اس حوال سے مدعی جلیل نے کہا
کہ ہم اس جے آئی ٹی کونہیں مانتے کیونکہ وہ ہمارے مقدمہ کو خراب کر رہی ہے، ہم کس کی شناخت پریڈ کریں، جے آئی ٹی اورپولیس کو پتہ ہے کہ ہمارے قاتل کون ہیں۔ واضح رہے کہ منگل کے روزسینیٹ کی قائمہ کمیٹی برائے داخلہ کا اجلاس ہوا تھا جس میں سانحہ ساہیوال کے متاثرہ خاندانوں نے بھی شرکت کی تھی اورانہوں نے جے آئی ٹی کومسترد کرتے ہوئے واقعے کی تحقیقات کے لیے جوڈیشل کمیشن تشکیل دینے کا مطالبہ بھی کیا تھا۔
