گوجرانوالہ(وائس آف ایشیا)گوجرانوالہ میں ایک افسوسناک واقعہ پیش آیا ہے جس میں مسلم لیگ ق کے رہنما اور صدر آرائیں برادری مہر کاشف پر قاتلانہ حملہ کیا گیا ہے۔قاتلانہ حملے میں مہر کاشف شدید زخمی ہو گئے ہیں جب کہ ان کے سیکورٹی گارڈ جاں بحق ہو گئے ہیں۔میڈیا رپورٹس میں مہر کاشف کی حالت تشویشناک بتائی جا رہی ہے جب کہ ڈاکٹرز کا کہنا ہے کہ مہر کاشف کو 5 گولیاں لگیں جن میں سے ایک گولی سر پر بھی لگی۔رپورٹس میں مزید بتایا گیا کہ نا معلوم

افراد نے واپڈ اٹاؤن میں مہر کاشف کے گھر میں گھس کر فائرنگ کی۔ملزمان نے گھر میں گھس کر مہر کاشف پر قاتلانہ حملہ کیا جس کے بعد انہیں اسپتال منتقل کیا گیا جب کہ ڈاکٹرز کے مطابق ان کی حالت تشویشناک بتائی جا رہی ہے کیونکہ ایک گولی کاشف مہر کے سر پر لگی ہے۔رپورٹس میں مزید بتایا گیا ہے کہ کاشف مہر پارٹی کے صدر خالد ہمایوں کے قتل کے الزام میں دو سال قبل ہی جیل سے رہا ہوئے تھے اور انہوں نے چند روز قبل ہی ق لیگ میں شمولیت اختیار کی تھی۔