پشاور(این این آئی)پسکو نے بقایات جات کی عدم ادائیگی اور کنڈوں کے بے دریغ استعمال پر چھ گرڈ اسٹیشنوں سے بجلی کی فراہمی بند کرنے کا فیصلہ کرلیا ،پشاور،بنوں ،ٹل اور بنوں کے گیارہ کے وی گرڈ اسٹشیوں سے جلد بجلی بندکردی جائے گی۔ پسکو ترجمان کے مطابق گیارہ کے وی شیخان پبی،مریم زئی پشاور،دلان ٹل،داودشاہ بنوں، جنڈولہ وانا اورعمر اڈا ٹانک
کے گیارہ فیڈرز جلد بند کئے جائیں گے ۔مذکورہ علاقوں سے کنڈے ہٹانے،میٹر لگانے اور بقایاجات کی ادائیگی تک بجلی بند رہے گی،ترجمان کے مطابق پیسکو کو ان گرڈ سٹیشنوں سے ادائیگی نہ ہونے کے برابر ہے،جبکہ کنڈوں کی بہتات اور بجلی کاغیر قانونی استعمال بھی زیادہ ہے ،ترجمان کے مطابق مزید فیڈرز کی بجلی بھی جلد بند کی جائیگی۔
