اسلام آباد(آن لائن)وفاقی وزیر خزانہ اسد عمر کی تقریر کے دوران اپوزیشن نے جھوٹا جھوٹا کے نعرے لگانا شروع کردیے جس پر عمران خان بھی ہنس پڑے۔وفاقی وزیر خزانہ اسد عمر کی منی بجٹ تقریر کے دوران اپوزیشن ارکان اپنے بینچوں پر کھڑے ہوگئے اور بیک زبان جھوٹا جھوٹا کے نعرے لگانا شروع کردیے۔ اپوزیشن ارکان کی جانب سے
جھوٹا جھوٹا کی ایسی جگل بندی کی گئی کہ عمران خان بھی مسکرا دیے۔سپیکر قومی اسمبلی اسد قیصر نے اپوزیشن ارکان کو روکنے کی کوشش کی تو ان کے گلے سے آواز نکلنے کی بجائے چہرے پر ہنسی پھیل گئی۔ تقریر کے دوران ہی وزیر خزانہ اسد عمر نے سپیکر سے کہا کہ اپوزیشن ارکان کو شور کرنے دیا جائے کیونکہ ان کی باتیں عوام سن رہے ہیں۔
