اسلام آباد (این این آئی)کرتار پور پر پاکستانی پیشکش کا جواب بھارت سے موصول ہوگیا ، بھارتی حکام نے پاکستان آنے سے انکار کر تے ہوئے کرتار پور پر تفصیلات طے کرنے کیلئے پاکستانی وفد کو دہلی بلا لیا۔ سفارتی ذرائع کے مطابق کرتار پور پر پاکستانی پیشکش کا جواب بھارت سے موصول ہوگیاجس میں پاکستانی وفد کو نئی دہلی بلایا گیا ہے ۔ ذرائع کے مطابق پاکستانی وفد کو دہلی کے دورے کے لئے دو تاریخیں بتائی گئی ہیں پاکستان 26 فروری یا 7 مارچ کو اپنا وفد دہلی بھیجے جبکہ بھارت کی جانب سے پاکستان آنے سے انکار کیا گیا ۔