لاہور (آن لائن) مسلم لیگ (ن) کی رہنما مریم نواز اپنے والد سابق وزیراعظم میاں نواز شریف سے ملنے کے لیے بے تاب ہیں۔ ذرائع کے مطابق مریم نواز کو قائد مسلم لیگ (ن) نواز شریف نے صبح پیغام بھجوایا کے وہ ہسپتال نہ آئیں جس سے وہ پریشان ہوں گی۔ میاں نواز شریف کو معلوم تھا کہ جیل حکام ملنے نہیں دیں گے۔ میاں نواز شریف کی میڈیکل رپورٹس کے بارے میں مریم نواز کا مسلسل رابطہ ہے مگر کوئی بھی نہیں رپورٹس کے متعلق آگاہ نہیں کر رہا۔ مریم نواز شریف میڈیا پر
خبریں نشر ہونے کے بعد مزید پریشان ہو گئیں۔ مریم نواز شریف کو ان کے والد میاں نواز شریف نے ہسپتال آنے سے منع کیا تھا۔ دوسری جانب مریم نواز کا کہنا ہے کہ نواز شریف کی ابتدائی رپورٹس تسلی بخش نہیں ہیں۔ پہلے ہی تشویش تھی کہ میاں صاحب کی صحت ٹھیک نہیں۔ انہوں نے ہا کہ ابتدائی رپورٹ میں دوبارہ دل کی بیماری کی علامات ظاہر ہو رہی ہیں۔ مریم نواز کا کہنا تھا کہ میں خود ہسپتال آنا چاہتی تھی مگر میاں صاحب نے پیغام بھجوا کر ہسپتال آنے سے منع کیا۔
