اسلام آباد(مانیٹرنگ ڈیسک) کیا آپ ایک آسان سوال کا جواب دے سکتے ہیں کہ آپ انگلش حرف X کیسے لکھتے ہیں؟ یعنی پہلے اوپری بائیں کونے سے نیچے کی جانب لکیر کھینچتے ہیں اور پھر دائیں جانب سے؟ یا پہلے دائیں جانب کی لکیر پسند کرتے ہیں؟ تو ایسا لگتا ہے کہ
اس حرف کو متعدد طریقوں سے لکھنا ممکن ہے اور اس سوال نے سوشل میڈیا صارفین کو لگتا ہے کہ دیوانہ کرکے رکھ دیا ہے۔ ٹوئٹر پر وائرل تصویر جو ہر ایک کو پسند آگئی ٹوئٹر پر یہ سوال بہت تیزی سے وائرل ہوا ہے جس میں پوچھا گیا کہ لوگ X کو کیسے لکھتے ہیں۔ ٹوئٹر صارف @SMASEY کے اس سوال نے ہزاروں افراد کو ایک دوسرے سے اختلاف پر مجبور کردیا ہے اور ایسا کافی عرصے سے دیکھنے میں نہیں آیا تھا۔ ٹوئٹر صارف نے پوچھا کہ آپ کس طرح X کو لکھتے ہیں اور پھر 8 طریقے بھی دیئے ہیں، ہر ایک کے پہلے اسٹروک کی رنگت مختلف ہے، یعنی جیسے نمبرون آپشن میں سرخ رنگ دیا گیا، 2 نمبر آپشن میں نیلی لائن اور ایسے ہی تمام نمبرز میں رنگ کے ساتھ بتایا گیا کہ کس طرح ایکس کو تحریر کیا جاتا ہے۔ اس خاتون صارف کے مطابق اس بات پر عام اتفاق ہے کہ امریکی شہری 7 اور 8 نمبر آپشن کو پسند کرتے ہیں جبکہ برطانیہ میں لوگ 5 اور 6 کو ترجیح دیتے ہیں۔ اب تک اسے ہزاروں افراد لائیک کرچکے ہیں جبکہ 21 ہزار سے زائد افراد نے جواب دیا اور 12 ہزار کے قریب ری ٹوئیٹ بھی ہوچکا ہے۔ کچھ لوگوں کو اپنے جواب پر مکمل یقین ہے جبکہ دیگر کو نہیں، اکثر کو تو یہ معلوم ہی نہیں تھا کہ X کو اتنے زیادہ طریقوں سے لکھنا بھی ممکن ہے۔ تو آپ کیسے اس حرف کو لکھتے ہیں؟ نیچے کمنٹس میں بتانا مت بھولیں۔
