لاہور(این این آئی)پاکستان کی معروف ماڈل ، اداکارہ و ٹی وی میزبان ماہ نور اپنی والدہ کے ہمراہ عمرہ شریف کی سعادت حاصل کر نے کے بعد مدینہ شریف پہنچ گئی وہاں ماہ نورنے روزہ رسول ﷺ پر حاضری دی اور وطن عزیز پاکستان کے لئے امن وسلامتی کی خصوصی دعا،’’این این آئی‘‘سے ٹیلیفونک گفتگوکرتے ہوئے ماہ نور کا
کہنا تھا کہ جو سکون عمرہ شریف کی سعادت حاصل کر کے اور روز رسول ﷺ پر حاضری دیکر ملتا ہے وہ پوری زندگی میں کہیں اورنہیں مل سکتا ،انہوں نے کہا کہ ہر خوشی ملتی ہے اللہ اور محمد ﷺ کے شہر میں ، اللہ پاک اور اس کے محبوب ﷺ کے گھر جو خواہش کرو وہی ملتا ہے بن مانگے اللہ پاک ہر مسلمان کومکہ شریف اور مدینہ شریف دیکھائے،آمین۔
