کراچی(این این آئی)کینیڈین ہائی کمشنر وینڈی گلمور نے پاکستان اسٹاک ایکسچینج کا دورہ کیا، جہاں انہوں نے روایتی گھنٹہ بجا کر کاروبار کا آغاز کیا۔پاکستان اسٹاک ایکسچینج کے چیئرمین سلیمان مہدی اور سی ای او رچرڈ مورن نے دورے پر کینیڈین ہائی کمشنر کا استقبال کیا۔اس موقع پر اپنے خطاب میں کینیڈین ہائی کمشنر نے کہا کہ پاکستان او ر کینیڈا کے تجارتی تعلقات اچھے ہیں ۔ دونوں ملکوں کے درمیان سروسز سیکٹر سمیت مختلف شعبوں میں تعاون کر رہے ہیں۔

انہوں نے امید ظاہر کی کہ مستقبل میں دونوں ممالک کے درمیان تجارتی مراسم مزید مستحکم ہونگے۔وینڈی گلمور نے کہا کہ انہیں خوشی ہے کہ ایک کینیڈین شہری پاکستان اسٹاک ایکسچینج کے سی ای او ہے۔چیئرمین پاکستان اسٹاک ایکسچینج سلیمان مہدی نے کہا کہ آنے والے منی بجٹ سے پرامید ہیں،ہماری سفارشات پر حکومت عمل درآمد کریگی جس کا اثر آئندہ دنوں میں مارکیٹ میں نظر آئیگا۔ سلیمان مہدی نے کہا کہ ایس ای سی پی ریگولیٹری ادارہ ہے جو ہمارے ساتھ تعاون کررہا ہے۔

موضوعات:پاکستان سٹاک ایکس چینج