لاہور (آن لائن)بیرون ملک سے لاہور پہنچنے والی خاتون کی ایئر پورٹ پر ہنگامہ آرائی، تیس منٹ سے زائد مسافروں اور عملے کو گالیاں دیتی رہی۔ اے ایس ایف کی سپیشل کمانڈوز نے خاتون کو پکڑ کر مقامی پولیس کے حوالے کر دیا۔ کبھی فرش پر لوٹ پوٹ، کبھی لوگوں کو گالیاں، لاہورایئر پورٹ پر عجب مناظر دیکھنے میں آئے۔ ترکی کے شہر استنبول سے لاہور ا یئرپورٹ پر آنے والی
خاتون مسافر حرا شکور کی ہنگامہ آرائی، سامان والی بلٹ پر چڑھ گئی۔ اس دوران عملہ اور مسافر بے بس دکھائی دئیے۔ ہنگامہ آرائی کے دوران دمام سے آنے والی پرواز کے مسافروں کو آمد لاؤنج میں لانے سے روک دیا گیا۔ اے ایس ایف نے خواتین کمانڈوز کی مدد سے خاتون کو قابو کیا اور پولیس کے حوالے کر دیا۔لواحقین مسافر خاتون کو ذہنی معذور قرار دے کر ساتھ لے گئے۔
