کراچی (این این آئی)پاکستان اسٹاک ایکسچینج میں دوروزہ مندی کے بعد کاروباری ہفتے کے آخری روز جمعہ کواتارچڑھاؤ کے بعد تیزی رہی اورکے ایس ای100انڈیکس کی36300کی نفسیاتی حدبحال ہوگئی،تیزی کے نتیجے میں سرمایہ کاری مالیت میں15ارب19 کروڑ روپے سے زائدکااضافہ ،کاروباری حجم گذشتہ روز کی نسبت48.34فیصدزائد جبکہ55.22فیصد حصص کی قیمتوں میں اضافہ ریکارڈ کیا گیا۔
فروخت کے دباؤ اور پرافٹ ٹیکنگ کے باعث جمعہ کو کاروبار آغاز منفی زون میں ہوا، ٹریڈنگ کے دوران ایک موقع پر کے ایس ای100انڈیکس 39091پوائنٹس کی نچلی سطح پر بھی ریکارڈ کیاگیا گیاتاہم بعدازاں حکومتی مالیاتی اداروں مقامی بروکریج ہاؤس سمیت دیگرانسٹی ٹیوشنز کی جانب سے توانائی،فوڈز اورکیمیکلزسمیت دیگرسیکٹرکی نچلی سطح پر آئی ہوئی قیمتوں میں خریداری کے باعث مارکیٹ میں ریکوری آئی ، جس کے نتیجے میں دوروز سے چھائی مندی کے اثرات زائل ہوگئے اور ٹریڈنگ کے دوران کے ایس ای100انڈیکس 39390پوائنٹس کی بلندسطح پر بھی دیکھا گیا تاہم اتارچڑھاؤ کا سلسلہ سارا دن جاری رہا۔مارکیٹ کے اختتام پر کے ایس ای100انڈیکس62.16پوائنٹس اضافے سے39306.50پوائنٹس پر بندہوا۔مجموعی طور پر335کمپنیوں کے حصص کا کاروبار ہوا،جن میں سے185کمپنیوں کے حصص کے بھاؤ میں اضافہ،129کمپنیوں کے حصص کے بھاؤ میں کمی جبکہ21کمپنیوں کے حصص کے بھاؤ میں استحکام رہا۔سرمایہ کاری مالیت میں15ارب19کروڑ83لاکھ26ہزار17رو
قیمتوں کے اتار چڑھاؤ کے حساب سے یونی لیور فوڈکے حصص سرفہرست رہے ،جس کے حصص کی قیمت189.00روپے اضافے سے7289.00روپے اوررفحان میظ کے حصص کی قیمت90.00روپے اضافے سے6800.00روپے پر بند ہوئی۔نمایاں کمی نیسلے پاکستان کے حصص میں ریکارڈکی گئی،جس کے حصص کی قیمت200.00روپے کمی سے7900.00روپے اورکولگیٹ پامولیوکے حصص کی قیمت10.00روپے کمی سے2000.00روپے ہوگئی ۔
جمعہ کوکے الیکٹرک لمیٹڈکی سرگرمیاں5کروڑ59لاکھ18ہزارشیئرز کے ساتھ سرفہرست رہیں،جس کے شیئرز کی قیمت34پیسے اضافہ سے6.45روپے اورٹی آر جی پاک لمیٹڈکی سرگرمیاں81لاکھ32ہزارشیئرز کے ساتھ دوسرے نمبر پر رہی،جس کے شیئرز کی قیمت4پیسے اضافے سے24.81روپے ہوگئی۔جمعہ کوکے ایس ای30انڈیکس10.35پوائنٹس اضافہ سے18757.07پوائنٹس،کے ایم آئی30انڈیکس94.88 پوائنٹس اضافے سے66233.38پوائنٹس جبکہ کے ایس ای آل شیئر انڈیکس52.01پوائنٹس اضافے سے28917.83پوائنٹس پر بند ہوا ۔
