لاہور ( این این آئی) لاہورہائیکورٹ نے ادویات کی قیمتوں میں اضافے پر وفاقی حکومت، پنجاب حکومت اور ڈرگ ریگولیٹری اتھارٹی کو نوٹس جاری کرتے ہوئے جواب طلب کرلیا۔ہائیکورٹ کے جسٹس شاہد وحید نے ندیم سرور ایڈوکیٹ کی جانب سے ادویات کی قیمتوں میں اضافے کے خلاف دائر درخواست پر سماعت کی جس میں موقف اختیار کیا گیا کہ حکومت نے عوام کو ریلیف دینے کے بجائے ادویات کی قیمتوں میں 9سے 15فیصد اضافہ کر دیا

ہے، انسانی زندگی بچانے والی ادویات کی قیمتوں میں 9فیصد اضافہ خلاف قانون ہے اور آرٹیکل 9اور 38ڈی کی خلاف ورزی ہے۔درخواست گزار نے عدالت سے استدعا کی کہ پاکستان غریب ملک ہے اور حکومت کی جانب سے غریب عوام پر بوجھ ڈالا گیا ہے لہٰذا ادویات کی قیمتوں میں اضافے کا نوٹیفکیشن کالعدم قرار دیا جائے۔عدالت نے وفاقی حکومت، پنجاب حکومت اور ڈرگ ریگولیٹری اتھارٹی کو نوٹس جاری کرتے ہوئے جواب طلب کرلیا۔

موضوعات:لاہورہائیکورٹ