لاہور( این این آئی)وزیر مملکت برائے پارلیمانی امور علی محمدخان نے کہاہے کہ پاکستان تحریک انصاف کی حکومت قومی دولت لوٹنے والوں کومعاف نہیں کرے گی اور انہیں انصاف کے کٹہرے میں لائے گی،ملک میں احتساب کاعمل شروع ہوچکا ہے اوربدعنوان عناصر کو اپنے غیرقانونی کاموں کاانجام بھگتناہوگا۔ایک انٹر ویو میں
انہوں نے کہا کہ حکومت اپنی پالیسیوں پرحزب اختلاف کی مثبت تنقید اور عوام دوست منصوبوں کے بارے میں ان کی تجاویزکاخیرمقدم کرے گی۔انہوں نے کہا کہ عوام نے پی ٹی آئی کو کرپشن کے خاتمے کا مینڈیٹ دیا ہے اور عوام کی امنگوں پر ہر صورت پورا اتریں گے۔ انہوں نے کہا کہ جنہوں نے کرپشن کی ہے وہ واویلا کر رہے ہیں اور عوام ان کے چہروں سے آشنا ہیں۔
