ساہیوال (مانیٹرنگ ڈیسک) تحریک انصاف کے رہنما کے بھائی کو ساہیوال میں اغوا کر لیاگیا، نجی ٹی وی چینل کی رپورٹ کے مطابق آئی جی پنجاب نے تحریک انصاف کے رہنما کے بھائی کے اغواء پر نوٹس لے لیا ہے اور ڈی پی او اور آر پی او سے اس حوالے سے فوری رپورٹ طلب کر لی ہے، تحریک انصاف کے جنرل سیکرٹری میاں عمیر
کے چھوٹے بھائی احسان علی کی گمشدگی کا معمہ ابھی تک حل نہیں ہو سکا ہے، ڈی پی او محمد علی ضیا کا کہنا ہے کہ شہر کے تمام داخلی اور خارجی راستوں پر ناکہ بندی کر دی گئی ہے۔ ڈی پی او نے بتایا کہ ڈی ایس پی آرگنائزڈ کرائم کے زیر نگرانی ٹیم بنا دی گئی ہے اور تمام فارنزک شواہد بھی اکٹھے کر لیے گئے ہیں۔
