لاہور (نیوز ڈیسک ) انتظار کی گھڑیاں ختم ہونے کو ہیں ، پاکستان اور زمبابوے کے درمیان ٹی ٹونٹی سیریز کا پہلا میچ آج کھیلا جائے گا۔ پاکستان میں عالمی کرکٹ کی بحالی کا خوشگوار جھونکا بن کر آنے والی زمبابوین ٹیم 5 مرتبہ ٹی ٹونٹی میچوں میں شاہینوں کا سامنا کر چکی ہے۔ زمبابوین ٹیم ان 5 میچوں میں پاکستان کیخلاف متاثر کن پرفارمنس پیش کرنے میں ناکام رہی۔ بدقسمتی سے مہمان ٹیم کو پانچوں میچوں میں شکست کا سامنا کرنا پڑا۔ ابھی تک کھیلے گئے ان 5 میچوں میں پاکستان کی طرف سےایک میچ میں انفرادی سطح پر سٹار اوپننگ بلے باز احمد شہزاد نے 64 گیندوں پر 98 رنز بنانے کا اعزاز حاصل کیا ہے جبکہ زمبابوے کی طرف سے آل راو¿نڈر ہیملٹن مساکاڈزا ایک میچ میں 38 گیندوں پر53 رنز بنانے کا ریکارڈ رکھتے ہیں۔ باو¿لنگ کے شعبے پر نظر ڈالیں تو گرین شرٹس کے آل راو¿نڈر محمد حفیظ ایک میچ میں 10 رنز کے عوض 4 وکٹیں لے کر سرفہرست ہیں ، زمبابوے کی طرف سے میڈیم فاسٹ باو¿لر کرسٹوفر مپوفو نے شاہینوں کیخلاف 16 رنز دے کر 3 وکٹیں حاصل کر رکھی ہیں۔ دونوں ٹیمز کے درمیان ہونے والے ٹی ٹونٹی میچوں میں پاکستان کا سب سے انفرادی ٹوٹل 4 وکٹوں کے نقصان پر 198 رنز رہا۔ اس میچ میں پاکستان نے حریف کو 85 رنز کے بڑے مارجن سے زیر کیا۔ دوسری طرف زمبابوے پاکستان کو ایک میچ میں۔ زیادہ سے زیادہ 107 رنز کا ہدف دینے میں کامیاب ہو پایا جو کہ پاکستان نے باآسانی 7 وکٹوں سے جیت لیا۔