اسلام آباد (نیوزڈیسک)سعودی عرب کے بعد یو اے ای سے ملنے والے مالیاتی پیکج کا پیپر ورک مکمل کرلیاگیا ۔ذرائع کے مطابق یو اے ای سے پاکستان کو تین ارب ڈالر میں سے ایک ارب ڈالر اگلے ہفتے منتقل ہوجائیں گے۔ذرائع نے بتایا کہ 3 ارب ڈالر 3 قسطوں میں پاکستان کو دیئے جائیں گے۔ ذرائع نے بتایا کہ یو اے ای پاکستان کو

سعودی عرب جیسا مالیاتی پیکج فراہم کر رہا ہے۔ ذرائع نے بتایا کہ یو اے ای کی جانب سے سٹیٹ بنک اکاونٹ میں مارچ تک تین ارب ڈالر منتقل ہوں گے۔ ذرائع کے مطابق یو اے ای سے ملنے والے مالیاتی پیکج پر پاکستان تین اعشاریہ تین فیصد منافع ادا کریگا۔ذرائع کے مطابق یو اے ای سے 3 ارب ڈالرکی منتقلی مارچ2019تک مکمل ہوگی۔