ممبئی (آئی این پی) بالی ووڈ اداکارہ دپیکا پڈوکون نے رنویر سے شادی کے بعد اپنا سرنیم تبدیل نہ کرنے کی وجہ بتا دی۔ بھارتی میڈیا کے مطابق ایک پروگرام میں شرکت کی جہاں میزبان نے ان سے سوال کیا کہ آپ نے رنویر سنگھ سے شادی کے بعد اپنا سر نیم کیوں نہیں بدلا جس پر دپیکا کا کہنا تھا کہ نام تبدیل
کرنے کا خیال کبھی ان کے ذہن میں آیا ہی نہیں۔ انہوں نے مزید کہا کہ انہیں نے کبھی اپنا نام تبدیل کرنے کے بارے میں نہیں سوچا اور نا ہی کبھی رنویرسنگھ نے ان پر دباؤ ڈالا کہ وہ اپنا نام تبدیل کریں۔ جبکہ رنویرسنگھ نے کہا کہ انسان بہت محنت سے اپنا نام بناتا ہے ،اس لیے اسے وہی نام برقرار رکھنا چاہیے۔
