اسلام آباد (آن لائن) پاکستان مسلم لیگ (ن) کے قائد نواز شریف کے صاحبزادی مریم نواز نے کہا ہے کہ آج کے فیصلے پر اللہ تعالی کا شکر ادا کرتی ہوں۔ سماجی رابطے کی ویب سائٹ ’ٹوئٹر‘ پر جاری کردہ اپنے پیغام میں انہوں نے کہا کہ حقیقت یہ ہے کہ ایک لمحے کے لیے بھی اپنے بارے میں فکر نہیں کی۔
انہوں نے مؤقف اپنایا ہے کہ اصلی ریلیف اور خوشی تب نصیب ہوگی جب میرے والد گھر آئیں گے۔سابق وزیراعظم نواز شریف کی صاحبزادی مریم نواز نے سپریم کورٹ کے فیصلے پرعوام کی جانب سے کی جانے والی دعاؤں کا بھی شکریہ ادا کیا۔انہوں نے کہا کہ مجھے خدا کی ذات اور اس کی رحمت پرمکمل یقین ہے۔
