لاہور( این این آئی)اداکارہ آفرین پری نے کہا ہے کہ آج بھی دل میں یہ خواہش مچلتی ہے کہ میری زندگی بچپن کی طرف واپس لوٹ جائے ،صرف میرے نام کے ساتھ ہی پری نہیں لگتا بلکہ میرا بچپن پریوں کی طرح تھا۔گفتگو کرتے ہوئے اداکارہ نے کہا کہ جو انسان کی قسمت میں لکھا ہوتا ہے وہ ہو کر رہتا ہے ، قسمت مجھے بینک کی نوکری سے شوبز میں لے آئی اور آج میں ایک مقبول
اداکارہ ہوں ۔خدا تعالیٰ کے فضل سے مجھے شوبز میں بے پناہ کامیابیاں، عزت اور شہرت دی ہے ملی ہے اور شاید مجھے بینک کی نوکری میں اتنی مقبولیت نہ ملتی ۔ اتنا ضرور کہہ سکتی ہوں کہ اگر میں بینک کی ملازمت جاری رکھتی تو ضرور اعلیٰ عہدے تک پہنچ جاتی ۔ انہوں نے کہا کہ میں بچپن میں بھی ذہین اور شرارتی تھی اور خاندا ن میں مجھے انہی صفات سے یاد کیا جاتا ہے ۔