اسلام آباد(آن لائن) 23 مارچ کو یوم پاکستان پریڈ شکرپڑیاں گراؤنڈ میں کرنے کا فیصلہ ، حسب روایت مسلح افواج کی مشترکہ پریڈ ہو گی وزارت دفاع نے تمام چیف سیکرٹریز سے یکم فروری تک شرکت کے خواہشمند افسران کے نام مانگ لئے جبکہ دعوت نامے کے حصول کے لئے فارم بھی تمام متعلقہ محکموں کو ارسال کر دےئے ہیں میڈیا رپورٹس کے مطابق 23 مارچ کو یوم پاکستان پریڈ شکرپڑیاں گراؤنڈ میں کرنے کا فیصلہ کیا گیا ہے یوم پاکستان پر حسب روایت مسلح افواج کی شاندار
مشترکہ پریڈ ہو گی وزارت دفاع نے پریڈ میں شرکت کے حوالے سے چاروں صوبائی چیف سیکرٹریز گلگت بلتستان ، چیف سیکرٹری آزاد کشمیر اور ایڈیشنل چیف سیکرٹری فاٹا کو خط لکھ دیا ہے وزارت دفاع نے یکم فروری تک پریڈ میں شرکت کے خواہشمند افسران کے نام مانگ لئے ہیں درخواست کنندہ گان متعلقہ ادارے محکمے وزارت یا ڈویژن کے ذریعے نام بھجوائیں وزارت دفاع نے دعوت نامے کے حصول کے لئے فارم بھی تمام اداروں کو ارسال کر دیے ہیں۔
