راولپنڈی (این این آئی) پراسرار گروہ نے خواتین کالجز میں دھمکی آمیز پمفلٹس پھینکے ہیں جن میں خواتین کے لباس سے متعلق ہدایات تحریر کی گئی ہیں۔ نجی ٹی وی کے مطابق ان پمفلٹس میں طالبات کو دھمکی دی گئی ہے کہ تمام خواتین باپردہ گھروں سے باہر نکلیں، کھلے کپڑے اور برقعے کا استعمال کریں۔ پمفلٹس میں
لکھا گیا کہ مسلمان خاتون یورپی کلچر اپنائیں نہ ہی پینٹ شرٹ استعمال کریں جبکہ غیر مسلم خواتین جسم پر نشان یا لباس کے ذریعے اپنی شناخت ظاہر کریں، عمل نہ کرنے کی صورت میں خواتین کو خطرناک نتائج بھگتنا پڑ سکتے ہیں۔سیکیورٹی اداروں نے دھمکی آمیز پمفلٹ پھینکے جانے کی تحقیقات شروع کردی ہیں۔
