لاہور(نیوز ڈیسک ) پاکستان مسلم لیگ (ن)کے سینئر رہنما خواجہ سعد رفیق نے کہا ہے کہ پاکستان نالائقوں کے حوالے کردیا ہے، ان کو حکمران بنانے والے خود پچھتا رہے ہیں، ملک میں انصاف اور احتساب کے نام پر انتقام زیادہ دیر نہیں چلے گا، یہ وقت بدلے اور بہت جلد بدلے گا۔ ہفتہ کو لاہور کی احتساب عدالت میں پیشی کے موقع پر میڈیا سے غیر رسمی گفتگو

کرتے ہوئے خواجہ سعد رفیق نے کہا کہ منی بجٹ آرہا ہے جو مہنگائی کا طوفان لا رہا ہے۔ رہنما مسلم لیگ (ن) نے کہا کہ پاکستان نالائقوں کے حوالے کردیا ہے، ان کو حکمران بنانے والے خود پچھتارہے ہیں۔خواجہ سعد رفیق نے مزید کہا کہ ملک میں انصاف اور احتساب کے نام پر انتقام ہورہا ہے جو زیادہ دیر نہیں چلے گا، یہ وقت بدلے اور بہت جلد بدلے گا۔