نیویارک (این این آئی)ہولی وڈ کی متنازع اداکارہ، گلوکارہ، فیشن ڈیزائنر اور کاروباری خاتون لنزی لوہان نے ایک نامناسب تصویر سوشل میڈیا پر شیئر تو کی، تاہم اداکارہ کو اسے فوری طور پر ڈیلیٹ کرنا پڑا۔اداکارہ نے انسٹاگرام اکاؤنٹ پر اپنی برہنہ تصویر شیئر کی۔

جس میں وہ ایک صوفے پر موجود تھیں۔اس تصویر کے پوسٹ ہوتے ہی اداکارہ کو ان کے مداحوں نے تنقید کا نشانہ بنایا۔کئی افراد نے تصویر پر ایسے کمنٹ بھی کیے کہ انہیں لنزی سے ایسی امید نہیں تھی۔یہ پہلا موقع نہیں ہے کہ 32 سالہ اداکارہ و گلوکارہ کے حوالے سے تنازع سامنے آیا ہو، وہ ماضی میں بھی تنازعات کی وجہ سے خبروں میں رہ چکی ہیں۔تنازعات کی وجہ سے لِنزلی لوہان کی ذہنی حالت پر بھی سوالات اٹھائے جاتے رہے ہیں۔منشیات استعمال کرنے کے الزام میں وہ 2010 میں جیل قید کی سزا بھی کاٹ چکی ہیں، علاوہ ازیں انہیں متعدد بار ڈپریشن کے علاج کے لیے ہسپتال بھی داخل کرائے جانے کی رپورٹس سامنے آتی رہی ہیں۔لنزی لوہان کے علاوہ بھی دیگر ہولی وڈ شخصیات کو اپنی متنازع تصاویر کی وجہ سے تنقید کا نشانہ بنایا جا چکا ہے، گزشتہ سال اداکارہ جینیفر لوپیز کی بھی ایسی ہی ایک تصویر وائرل ہوئی تھی۔اداکارہ نے ایک میگزین کے لیے نیم برہنہ تصویر بنوائی تھی، جس پر انہیں شائقین کی تنقید کا سامنا کرنا پڑا تھا۔