اسلام آباد (مانیٹرنگ ڈیسک) اسد عمر متکبر ہیں، بغیر تیاری کے منہ اٹھا کر آ جاتے ہیں ، آئی ایم ایف نے تحریک انصاف کی حکومت کو وزیر خزانہ اسد عمر کی شکایت لگا دی، اس بات کا انکشاف سینئر تجزیہ کار ضمیر حیدر نے کیا، انہوں نے کہا کہ آئی ایم ایف نے پاکستان حکام کو شکایت کی ہے کہ اسد عمر متکبر ہیں، بغیرتیاری کے منہ اٹھا کر آ جاتے ہیں، سینئر تجزیہ کار ضمیرحیدر نے نجی ٹی وی چینل کے پروگرام میں وزیرخزانہ کے معیشت کے حوالے سے متکبرانہ رویے پر کہا کہ آئی ایم ایف
نے پاکستانی حکام کو کہا ہے کہ وزیرخزانہ بغیر تیاری کے ہی آ جاتے ہیں۔ سینئر تجزیہ کار نے کہا کہ آپ کے موجودہ وزیرخزانہ اسد عمر جن کو حکومت بننے سے قبل ہی وزیرخزانہ ڈکلیئر کردیا گیا تھا، انہوں نے کہا کہ اب آئی ایم ایف ان کو کہہ رہا ہے کہ وہ متکبر ہیں اور تیاری کیے بغیر منہ اٹھا کرآ جاتے ہیں۔ یاد رہے کہ ملکی مالی خسارے پر قابو پانے کے لیے آئی ایم ایف سے وزیر خزانہ اسد عمر نے مذاکرات کیے لیکن ان کا کوئی نتیجہ نہیں نکلا، اب جنوری میں دوبارہ مذاکرات ہوں گے۔
