کراچی(نیوز ڈیسک) قومی کرکٹ ٹیم کے وکٹ کیپر بلے باز سرفراز احمد کی فلائٹ انہیں ”دھوکہ“دے گئی۔ تفصیلات کے مطابق سرفراز احمد کی فلائٹ نے صبح 9بجے لاہور کے لیے روانہ ہو نا تھا لیکن ناگزیر وجوہات کی بنا کر فلائٹ 6گھنٹے لیٹ ہوگئی اور انہیں ایئر پورٹ پر ہی انتظار کر نا پڑ گیا۔ میڈیا رپورٹس کے مطابق سرفراز احمد زمبابوے کے خلاف ٹی ٹونٹی سیریز میں شرکت کے لیے لاہور آرہے تھے جس کا پہلا میچ کل قذافی سٹیڈیم میں کھیلا جائے گا۔ یاد رہے کہ اس سے قبل قومی کرکٹ ٹیم کے ہیڈ کوچ وقار یونس کو ورلڈ کپ 2015ء میں آسٹریلیا جانے کے لیے کئی گھنٹے تک ایئر پورٹ پر انتظار کر نا پڑا تھا۔